Хүүхдээ сонсох өдөр

Сонсох, ярилцах, ойлгох — энэ бол хүүхдэд өгөх хамгийн том хамгаалалт.

Аав, ээжүүдийн хамгийн чухал үүрэг бол хүүхдээ сонсох, ярилцах, тэдний хувийн орон зайг хүндлэх, үзэл бодлыг нь хуваалцаж шийдвэр гаргахад хүүхдээ оролцуулдаг байх. Таны хүүхэд цар тахлын үед найзуудтайгаа хуваалцдаг асуудлаа хэнтэй хуваалцаж байгаа бол?

Тэд найзуудаасаа хөндийрөөд бүтэн 2 жил болж. Энэ хугацаанд та хүүхдээ хэр олон удаа сонссон бэ? Хамтдаа ямар асуудлыг нь даван туулахад нөлөөлсөн бэ? Сонсох, ярилцах бол хамгийн том нөлөөлөл шүү. Мэдээж нууцыг нь хадгалдаг байх нь нэн чухал. Хэрэв хүүхдийн чинь зан авирт ямар нэгэн өөрчлөлт орж илүү дотогшоо, илүү ганцаараа байхыг эрмэлзэж, зожиг, ууртай, уцаартай байгаад байвал заавал ярилцаарай. Загнах, зандрахын урьтал бүү болгоорой.