ЗӨВЛӨГӨӨ | Сайн хөрш байх амархан

“Надад хамаагүй” гэж асуудлыг түлхэх биш, үл тоомсорлохгүй байх нь л хамгийн чухал юм.

Энэ бол үнэндээ маш энгийн ойлголт. Саахалт айлуудтайгаа мэндчилдэг, нэг нэгэндээ анхаарал тавьдаг, аюул эрсдэл гарвал холбогдох байгууллагад нь мэдэгддэг, хэрэгтэй үед хамтдаа шийддэг—ингэж хүн гэдэг утгаар нь хүндэлж харилцахыг л хэлж байгаа юм.

“Надад хамаагүй” гэж асуудлыг түлхэх биш, үл тоомсорлохгүй байх нь л хамгийн чухал.

Хөршийн харилцаа сайн байх тусам тухайн дүүрэг, орон нутгийн аюулгүй байдал төдий чинээ сайжирдаг. Бид хүчирхийллийг тэвчдэггүй, бие биедээ санаа тавьдаг, хэрсүү иргэд байж чадвал олон эрсдлээс урьдчилан сэргийлж чадна.

Өөрийнхөө болон ойр орчны хүүхэд бүрийг анхааралтай ажиглаж, ямар нэг эрсдэл мэдрэгдсэн үед үл хайхрахгүй байх нь чухал. Тэр үед нь ТА бэлэн байх хэрэгтэй.

Илүү хэрсүү байж, илүү сайн хөрш байцгаая.
#ХэрсүүГурвалжин #СайнХөршБайцгаая