ЗӨВЛӨГӨӨ | Хэрсүү худалдагч байх амархан

Хэрсүү, анхааралтай байснаар олон эрсдлээс урьдчилан сэргийлэх бүрэн боломжтой.

Хүүхэд бүр дэлгүүрээр үйлчлүүлдэг. Энэ орчин нь зөвхөн худалдаа хийх газар биш, харин хүүхэд насанд хүрсэн эсэхийг анзаарах, архи дарсны зохисгүй хэрэглээг хянах, цаашлаад үе тэнгийн дээрэлхэлт, эрсдэлтэй нөхцөл байдлыг анзаарах боломжтой чухал цэг юм. Хэрсүү, анхааралтай байснаар олон эрсдлээс урьдчилан сэргийлэх бүрэн боломжтой.

Иймээс худалдагч танд дараах арга хэмжээг хэрэгжүүлэхийг зөвлөж байна:

1. Мэдээллийн самбартаа 107, 108, 102 зэрэг тусламжийн утсуудыг байршуулах
2. Сэжигтэй тохиолдол бүрийг анзаарах, бүртгэх, шаардлагатай тохиолдолд холбогдох байгууллагад мэдээлэх
3. Үе тэнгийн хүчирхийлэл илэрвэл таслан зогсоож, сурган хүмүүжүүлэгч, нийгмийн ажилтанд мэдэгдэх
4. Давтан архи худалдан авч буй, эрсдэлтэй үйлдэл гаргаж болзошгүй иргэдийг анхааралдаа авч, шаардлагатай бол орон нутгийн хамтарсан багт мэдээлэх
5. Төөрсөн, асран хамгаалагчгүй бага насны хүүхдийг хамгаалж, тусламж үзүүлэх

Илүү хэрсүү, илүү сэрэмжтэй байж чадвал бид бүгд аюулгүй орчныг хамтдаа бүрдүүлнэ.
#ХэрсүүГурвалжин #ХҮНБАЙ