ШИНЭ САЛХИ" залуу судлаачдын хөтөлбөр амжилттай хэрэгжиж өндөрлөлөө.

Шинэ салхи хөтөлбөр нь хүний эрх тэр дундаа хүүхэд хамгааллын суурь ойлголт мэдлэг болон судалгааны ур чадвар, мэдлэг ойлголтоо нэмэгдүүлэх хүсэл эрмэлзэлтэй оюутан залуучуудыг дэмжих, өөрийн гэсэн практик туршлагатай болох, хүүхдийн эсрэг хүчирхийллийн суурь шалтгааныг илрүүлэхэд бодит хувь нэмрээ оруулах зорилготойгоор эхэлсэн.

Уг хөтөлбөрт нийт 218 оюутан залуус материалаа ирүүлснээс 60 оюутан шалгарч хөтөлбөрийн үйл ажиллагаанд хамрагдлаа. Шалгарсан оюутан залуус хөтөлбөрийн хугацаанд: 1. Судалгааны арга зүй, хүүхэд хамгааллын цуврал сургалтуудад хамрагдаж; 2. “Ид шидийн орон-2” олон нийтийн хөгжлийн төвийн “Хүүхэд хамгааллын нөхцөл байдлын судалгаа”-ны төсөлд дадлага болон сайн дурын ажил хийж хөтөлбөрийн хүрээнд олж авсан мэдлэгээ практикд туршиж чадавхжууллаа. 

Тус хөтөлбөрт IRIM "Хараат бус судалгааны хүрээлэн" ТББ-аас судалгааны арга зүйгээр хангах, судлаачдыг бэлтгэхэд онцгойлон анхаарч, салбарын мэргэжилтнүүдийг татан оролцуулсан маш чухал хөтөлбөр хэрэгжиж дууслаа. Хөтөлбөрийн үйл ажиллагааг бүрэн дүүргэж, 6 модуль 12 цагийн сургалт, дадлага ажил болон сайн дурын ажлын гүйцэтгэлийн үр дүнд үндэслэн 7 оюутныг IRIM судалгааны хүрээлэн, Лантуун Дохио ТББ-ын зүгээс хүлээн авч, төгсөлтийн батламжийг 2022 оны гуравдугаар сарын 15-ны өдөр гардуулав. Мэргэжлийн ур чадвараа ашиглан хүүхэд хөгжил, хамгааллын салбарт томоохон туршлага хуримтлуулж, салбартаа мэргэшсэн, чадварлаг боловсон хүчин болоход өөрсдийгөө дайчлан ажиллаж, бодитой дэмжлэг үзүүлсэн нийт оюутан залуусдаа талархал илэрхийлье. (2022.03.18)