“Лантуун Дохио” ТББ ХНХЯ-ын сайд А.Ариунзаяа сайдтай уулзаж хамтран ажиллах тухай ярилцлаа

Энэ чиглэлээр Ид Шидийн Орон төвтэй цаашид хамтарч ажиллах төлөвлөгөө гаргахаар боллоо.

“Лантуун Дохио” ТББ-ын тэргүүн У.Ганбаяр, “Ид Шидийн Орон -1” төвийн Үйл ажиллагаа хариуцсан захирал С.Энхмандах нар Хөдөлмөр Нийгмийн Хамгааллын Яамны А.Ариунзаяа сайдтай өнөөдөр (2022.03.22) уулзаж, хүүхдийг хүчирхийллээс урьдчилан сэргийлэх талаар болон хүүхэд хөгжлийн чиглэлээр хамтран ажиллах тухай ярилцлаа. 

“Лантуун Дохио” ТББ: Хүүхэд хамгааллын чухал асуудалд төрийн болон төрийн бус байгууллагууд түлхүү анхаарч ажилладаг. Харин хүүхдийн хөгжлийн асуудлыг хоёрдугаарт тавьж хойно үлдээж болохгүй. Хүүхдийг хүчирхийлэлд өртөж, гэмт хэргийн хохирогч болохоос урьдчилан сэргийлэх тал дээр ч түлхүү анхаарах учиртай. Тиймээс хүүхэд хөгжлийн төвүүдийг бий болгож тэнд хэрэгжүүлэх хөгжлийн хөтөлбөр, үйлчилгээний жишиг, стандартыг гаргах ажил чухал юм.