Хүүхдийн эрхийг хамгаалах, хөгжих боломжийг тэгш, хүртээмжтэйгээр олгох зорилгоор 2017 болон 2020 онд “Ид Шидийн Орон-I & II” хүүхэд хамгаалал, хөгжлийн төвүүдийг Улаанбаатар хотын хамгийн олон хүн амтай, гэмт хэргийн гаралт өндөр, амьжиргааны баталгаажих түвшин доогуур өрхүүд ихэнх хувийг эзэлдэг Сонгинохайрхан болон Баянзүрх дүүргүүдийн алслагдсан гэр хороолол дунд 100% олон нийтийн тусламж дэмжлэгтэйгээр бүтээн байгуулсан. Энэхүү төсөл нь цар хүрээгээ улам тэлж 2022 онд Дундговь аймагт анхны Ид шидийн орон төвийн жишиг загварыг орон нутагт байгуулсан ба төслийн хэрэгцээ шаардлага, ач холбогдол, үр дүн маш өндөр байсан тул ахин 3 аймагт (Хөвсгөл, Хэнтий, Говь-алтай) жишиг төвийг байгуулж тэгш хүртээмж, тэгш боломжийг илүү өргөн цар хүрээтэйгээр түгээж эхлэв. Орон нутаг дахь Ид шидийн орны хувьд хүүхдийн эрхийг хамгаалах, хүүхэд бүрд тэгш боломж, чанартай боловсролыг хүртээмжтэйгээр хүргэх, хөгжилд суурилсан хамгааллын үйлчилгээг үзүүлэх, иргэдийн хүчирхийлэл, хүүхдийн эрхийн талаарх мэдлэг ойлголтыг дээшлүүлж, нийгмийн оролцоог нэмэгдүүлж, сайн жишиг тогтоож байгаагаараа онцлогтой. Үйл ажиллагааны хувьд бүх Ид шидийн орнууд нэгдсэн нэг системийн дор үйл ажиллагаагаа явуулдаг. Жил бүр дунджаар Улаанбаатар хот дахь 2 салбараараа дамжуулан 10,000+ хүүхдэд, орон нутаг дахь 4 салбараараа дамжуулан 20,000+ буюу нийт 30 гаруй мянган хүүхдэд хүрч ажилладаг.

Манай улсын хувьд ч мөн адил цахим ертөнц хүчээ авч хүн амын тэр дундаа хүүхэд залуучуудын дийлэнх хувь нь хамааралтай болжээ.

Дэлгэрэнгүй