Өнгөрсөн 7 хоногт юу болов?

4 сар-н өмнө 589

advise image

Ид шидийн орон төслийн үйл явц маш амжилттай явагдаж байна. Аливаа амжилт бүхний цаанаа маш олон хүний хүч хөдөлмөр шингэсэн байдаг гэдгийг ахин нэг сануулъя. Өнгөрсөн 7 хоногт бид маш олон ажлын ард гарлаа. Шинээр ч маш олон ажлуудыг санаачлан хэрэгжүүлэхээр бэлтгэл ажилдаа орлоо.

  1. Мобикомын хамт олон Ид шидийн оронд нэгдэж Candy-г ашиглан хандив босгох боломжийг бүрдүүлсэн билээ. Candy-г хүн бүр ашигладаг уу гэвэл бас л эргэлзээтэй. Тэгвэл хэн намайг ашиглах бол хэмээн хүлээж суудаг candy-г ажилтай болгож бидэнд илгээсэнээр 3 хоногийн дотор 10 сая төгрөг босгож чадлаа. Мобикомын хамт олондоо баярлалаа. Candy давалгаа маш хүчтэй байна.

  2. Бид Ид шидийн орон төслийн давхарын цутгалт болон хүүхдийн тоглоомын талбайн цутгалтаа хийж дууслаа. Мөн граш баригдаж эхэллээ. Ид шид үргэлжилсээр л...

  3. Ид шидийн оронд хамрагдах зорилтот бүлгийн хүмүүсийг тодруулах зорилгоор Баянхошууны 9, 25, 10-р хороонуудад орчны судалгааг эхлүүлээд байна. Энэхүү ажлын ард сайн дурын залуучуудын хүч оршиж байна.

  4. Олон улсын хүүхдийн хүүхдийн эрхийн өдрийг Ид шидийн орон дээрээ тэмдэглэхээр бэлтгэл ажилдаа орлоо.

  5. Сайн дурынхны хүчээр маш олон ажлыг амжуулсаар. Амралтын 2 өдөр сайн дурынхны тусламжийг авсанаар түрээсэнд өгөх байсан нэлээдгүй мөнгийг хэмнэлээ.

  6. Этүгэний аялгуу морин хуурийн сургалтын төвөөс 300 хүүхдийн морин хуурин тоглолт зохион байгуулж байгаа бөгөөд нийт орлогын 10%-ийг Ид шидийн орон төсөлд хандивлахаар боллоо. Мөн нийт 100 хүүхдийг үнэгүй тоглолт үзүүлэхээр тасалбарыг нь бидэнд өглөө.

  7. Лантуун дохио ТББ-н АНУ дахь салбар маань элчин сайдын яамнаас талархлын бичиг гардаж авлаа. Монголынхоо нэрийг дэлхийд гаргаж яваа хамт олондоо баяр хүргэе.

  8. Барилга угсарлтын ажил хийдэг аж ахуй, нэгжүүдийг Ид шидийн орон хүүхэд хамгаалал, хөгжлийн төвийн барилгын ажлын сонгон шалгаруулалт зарлагдлаа

  9. MHE Co.,ltd компани 2 дахь барилгын улаан шугам геодези ажлыг үнэгүй хийж өгөхөөр боллоо.

  10. Японы алдарт Ничидо галлерейн үндсэн зураачдын үзэсгэлэнд тавигдсан "Сайн найз" хэмээх ховор зургаа Заяасайхан зураач "Ид шидийн орон" төвд зориулж тусгайлан захиж авчирууллаа. Уг зургийг дуудлага худалдаанд оруулан олсон орлогыг 100% ид шидийн оронд зарцуулагдана. "Хандивын зоог" хүлээн авалт зохион байгуулахаар төлөвлөн ажиллаж байна.

Лантуун дохио ТББ