ЖАРГАЛТАЙ ТҮҮХ

1 сар-н өмнө 582

advise image

Хоёр жилийн өмнө Лантуун дохио ТББ болон Сэрүүлэг дээд сургууль хамтран хүн бүрт олдоод байдаггүй гайхалтай боломжийг нээж өгч байжээ. Энэ нь улсын хэмжээнд хамгийн анхны бүрэнт хэмжээний тэтгэлэгт хөтөлбөр буюу сургалтын төлбөр, байр, хоол, хичээлийн хэрэгсэл гээд оюутан хүнд юу л хэрэгтэй тэр бүгд багтсан гайхалтай тэтгэлэг зарлагдсан юм. Харин 2 хүүхэд сургалты төлбөрийн 100 хувийн тэтгэлэг авч байжээ. Түүний нэг нь О.Цогоо юм.

О.Цогоо маань Сэрүүлэг эх сургуулийн эчнээ ангид 2 жилийн хугацаатай суралцаад өнөөдөр төгсөж байна. Сургуулийн зүгээс өглөө болон өдрийн анги байхгүй тул эчнээн оройн ангид сурах саналыг тавьжээ. Гэр нь Налайх дүүрэгт ч хичээл зүтгэл гаргасаар эчнээ ангид маш амжилттай суралцаж өнөөдөр Нягтлан бодогч мэргэжлийг эзэмшиж сургуулийн нийт төгсөгчдийн өмнө бахархалтайгаар үг хэлж төгсөлтийн баяраа бидэнтэй ирж хуваалцлаа. Сэрүүлэг сургууль Ганданд. Харин гэр нь Налайх дүүрэгт.

Эчнээн ангийн хичээл оройн 17 цагаас орж 22 цагт тардаг. Тэгээд Гандангаас Налайх руу 2 дамжин харина. Ямар их хичээл зүтгэл гаргасан гэдгийг та бүхэн ойлгож байгаа байх. Тэр сүүлийн 2 жил шөнийн 1 цагт харьсан байна. Сурахын төлөө юунд ч шантралгүй сурсаар. Бүүр манлайлан суралцаад төгсчээ. Үнэхээр сэтгэл хөдөлгөсөн өдөр байлаа. Түүний түүхийг сонсон суусан манай сайн дурын залууст ч сургамжтай гайхалтай түүх. О.Цогоо маань хэсэг хугацаанд мэргэжлээрээ ажиллаад Магистрт суралцана гэсэн. Хүсэл тэмүүлэлтэй, зорилготой байна гэдэг энэ дээ. Маш их баярлалаа О.Цогоодоо. Лантуу гэр бүлийнхээ өмнөө талархаж байна. Бидний итгэлийг алдаагүйд, илүү их хүсэл тэмүүлэлтэй байгаад.

Одоогоор Лантуун дохио ТББ нийт 4 хүүхдийг тэтгэлэгт хамруулжээ. Сэрүүлэг их сургуульд 3, Хорват улсад 1 оюутан. Бидний ирээдүй гэрэлтэй бас итгэл дүүрэн байна.