Ид шидтэй ах эгч нартаа баярлалаа

4 сар, 3 долоо хоног-н өмнө 298

advise image

Энэ эрхмүүд Монгол хүүхдүүдэд туслахыг хүссэн гэнэ. Яагаад гэж үү?

Шведийн Hardrock cafe-д удирдах албан тушаал гүйцэтгэдэг энэ 2 эрхэм Монголд баригдаж байгаа Лантуун ДОХИО ТББ-н "Ид шидийн орон" хүүхэд хөгжил хамгааллын төвийг дэмжиж байгаа юм. Учир нь энэ газар 8 Монгол залуус ажилладаг гэнэ. Тэд гал тогоог нь асуудалгүй хариуцсаар олон жил болжээ. Хамт олондоо өөрсдийгөө таниулж хүндлүүлж чадсан эдгээр Монгол залуус баригдаж буй төвд туслах юмсан хэмээн энэ тухай даргадаа санал тавихад маш уриалгахан хүлээж авсан байна.

Ингээд нэг оройг Монголчуудад зориулан хоол ундаар дайлан, хандивын өдөрлөг зохион байгуулжээ. (Тэр том газар нэг оройг хандивт зориулах нь түрээсээр бол үнэтэй байхаар...) Монгол үндэсний урлагийн тоглолтоор оройг чимсэнг бас хэлэх учиртай. Мөн Hard Rock Cafe өөрсдийн логотой бараанаас зарсан мөнгөө энэ баригдаж буй хүүхдийн төвд хандивлах болсон гэсэн нь бас үнэхээр гайхшруулж байлаа.

Дэлгэцээрээ "Ид шидийн орон" төслийн бичлэг танилцуулгыг нь үзүүлж байна. Хүмүүсийг тухтай суулгаж тоглолт үзүүлж, хуушуур салат идүүлж эрхлүүлж байна. :) Энэ дарга нар болон энэ бүхнийг хийж яваа эдгээр Монголчуудаас үлгэр жишээ аваад, энэ "ид шидийн орон" төслийг дэмжээрэй.

Hard Rock Cafe-н нийт хамт олонд, Оюунаа эгчид тэдний гэр бүл эгч дүү хамаатнуудад нь чин сэтгэлээсээ талархаж байна. Баярлалаа та бүхэндээ

Эх сурвалж - Dulguun Positive