Ид шидийн орны нээлт ба зэрэгцээ ертөнц

2 сар-н өмнө 1420

advise image

Лантуун дохио ТББ-ын тэргүүн Ч.Ганжавхлан "Энэ оны есдүгээр сард "Ид шидийн орон" хүүхэд хамгаалал, хөгжлийн төвийн эхний байрыг ашиглалтанд оруулна" хэмээн өнгөрсөн 5 дугаар сард Ikon.mn сайтад өгсөн ярилцлагадаа дурджээ. Сурвалжлагч "Ийм богино хугацаанд амжих уу" хэмээн гайхан асууж байсан. Үүнтэй адил маш олон хүн бидэнд дээрх асуултыг тавьж байлаа.

Өнгөрсөн 4 сарын хугацаанд сайхан сэтгэлт Монголчуудын дэмжлэгээр барилгын ажил хурдацтай явагдаж дууслаа. "Ид шидийн орон" нь 8x15 метрийн харьцаатай хоёр барилга бүхий 50 хүүхдийн багтаамжтай саравч, өв соёл уламжлалын 6 ханатай гэр, гадна тоглоомын талбай, усан оргилуур, ухаалаг агуулах, сургалтын танхим, номын сан, хөгжмийн өрөө, сагсан болон хөл бөмбөгийн талбай, хүлэмж, ногоон байгууламж, уран зохиомжит зураг, гурван айлын төгөл хотхон, зам талбайн гэрэлтүүлэг зэрэг иж бүрэн бүтээн байгуулалтыг амжилттай гүйцэтгээд байна.

Тус төвийн нээлтийг энэ сарын 15–17-ны өдрүүдэд зохион байгуулах гэж байна. Нээлтийн арга хэмжээнд “Зэрэгцээ ертөнц” гэрэл зургийн үзэсгэлэн тавигдах бөгөөд гэр бүлийн хүчирхийлэл, хүүхэд хамгааллын асуудал дэвшүүлсэн бүтээлүүдийг дэлгэн харуулах болно.

Та бүхний үзүүлсэн хандив, тусламжийн бодит үр дүнг нээлтийн үйл ажиллагаанд биечлэн ирж үзэхийг Лантуун дохио ТББ-ын хамт олон урьж байна.

Нээлтийн талаар дэлгэрэнгүй мэдээлэл авах бол 94222888,99910173, 80022112, 91112221 дугааруудаас мэдээлэл авна уу?

Хүндэтгэсэн ЛАНТУУН ДОХИО ТББ