"Шинэ оюутан" урьдчилан сэргийлэх сургалт эхэллээ.

2 сар, 1 долоо хоног-н өмнө 3510

advise image

Лантуун дохио ТББ-аас жил бүрийн намар явуулдаг “Шинэ оюутан” төсөл хэрэгжиж эхэллээ. Оюутан залууст заавал мэдэх шаардлагатай урьдчилан сэргийлэх мэдээ, мэдээллийг хүргэж тэднийг хүний наймаа,хүчирхийлэл, цахим гэмт хэргээс өөрсдийгөө болон бусдыг хамгаалах анхан шатны мэдлэгтэй болгох замаар оюутан залуучуудын нийгмийн хариуцлага, оролцоог нэмэгдүүлэх зорилготой урьдчилан сэргийлэх сургалт юм.

Тус сургалтанд Улаанбаатар хотод үйл ажиллагаа явуулж буй их, дээд сургуулиудын нэг дүгээр дамжааны оюутан залуус хамрагдах боломжтой. Шинэ оюутан сургалт 2018 оны 10 дугаар сарыг дуустал үргэлжлэх бөгөөд их, дээд сургуулиуд хамтран ажиллахад нээлттэй. Урьдчилан сэргийлэх нэг мэдээлэл бүхэл бүтэн хүний амь насыг аврах, олон хүмүүсийг хүчирхийллийн золиос болохоос урьдчилан сэргийлэх, цаашлаад таслан зогсоох хүртэл ач холбогдолтой тул оюутан залуусыг идэвх санаачлагатай оролцохыг нь уриалж байна.

Хүчирхийллийн золиос болсоны дараа шуугих бус байнгын урьдчилан сэргийлэх мэдээ, мэдээллийг олон нийтэд түгээх нь болзошгүй аюулаас хамгаалах, урьдчилан сэргийлэх томоохон ач холбогдолтой гэдгийг ахин сануулж байна. Үргэлж сэрэмжтэй, анхаарал болгоомжтой байхад илүүдэхгүй.

Монгол залуус хүчирхийллийн эсрэг.