Ид шидийн орон төсөл минь маш амжилттай урагшилсаар л байна. Маш олон залуучуудын хүч, сэтгэлээр бүтэж буй энэхүү олон нийтэд түшиглэсэн Хүүхэд хамгаалал, хөгжилийн төвийг байгуулахад та тусалмаар байна уу? 1. Лайк болон шэйрийн хүч. Таны ч анзаардаггүй хамгийн том хөрөнгө оруулалт бол /share/ шэйр. Бидний мэдээллийг бусдад түгээж өгөх бол маш энгийн мөртлөө хамгийн бодит бөгөөд шуурхай тус. Хамтарч ажиллахыг хүссэн байгууллагууд болон бидний талаар мэдээлэлгүй хүмүүст таны шэйрэлсэн мэдээлэл хүрсэнээр маш чухал ач холбогдолтой. Таны ч төсөөлөөгүй том тусыг хүргэх боломжтой гэсэн үг. Бидний талаар олон хүнд хүрч байж л биднийг дэмжих олон хүмүүс гарч ирнэ шүү дээ. Тиймээс яг энэ мэдээллийг уншиж дуусаад мэдээллээ цааш түгээгээрэй. 2. Хандив Мэдээж бүх төрлийн хандив. Баилгын материад болон бусад материаллаг бүхий л зүйл. Нэг ширхэг хадаас, нэлээн хэдэн хадаас, ширхэг тоосго, машин элс, цемент гээд барилга дээр шаардлагатай бүхий л зүйлс. Мөн мөнгөн хандив. 1000 төгрөгнөөс авхуулаад таны сэтгэл шингэсэн хэдэн төгрөг ч байж болно. Ерөөсөө хандив гэдэг чинь олон олон хүний сэтгэлийн нийлбэр цогц юм. 3. Худалдан авалт Бид бүхэн нэлээдгүй тоотой хөөрхөн түлхүүрийн оосорнууд байна. 1 ширхэг нь 1000 төгрөгний үнэтэй. Та хэдийг ч худалдан авч болно. Энэ хэрэглээ бас хандив. Орлого бүр нь "Ид шидийн орон" төсөлд 100% хандивлагдана. Мөн Лантуу хүүгийн цуврал комик номнууд. Нэг ширхэг нь 3000₮ болон 4000₮ төгрөгөөр зарагдаж байна. Хүний наймаа, цахим гэмт хэргийн талаар урьдчилсан сэргийлэх мэдээллийг маш энгийнээр хүүхдэд ойлгомжтойгоор өөр өөртөө багтаасан комик. 4. Сэтгэл Энэ ерөөсөө ямар ч сэтгэл байж болноо. Сэтгэл нь гэгэлзээд, ямар нэг зүйл хийж өгмөөр, тусалмаар санагдаад байж чадахгүй байна уу? Лантуу дохио болон Лантуу хүү, Ид шидийн орон хуудасаар зарлагдсан ажлуудад туслаж болно. Мөн бидний мэдээллийг цааш түгээх, өөрсдийн чадах зүйл, нөөц боломжиндоо тулгуурласан тусламж. Магадгүй та хэвлэлийн байгууллагад ажилладаг бол бидний мэдээллийг нэг буландаа оруулах, эсвэл сайтадаа байршуулах гэх мэтээр ямар ч хэлбэрээр туслаж болно. Мөн дээрх хуудсууд руу захидал бичээрэй. 5. Өөрсдөө бидний мэдээлэлтай сайн танилцах Ид шидийн орон гэж чухам юу юм бэ? Ямар зорилгоор баригдаж байгаа талаар, одоо ямар үе шаттай явагдаж байна гэсэн мэдээллүүдийг мэдэхийг хүсвэл албан ёсны хуудсууд дээр тавагдаж буй мэдээлэлтэй сайн танилцах хэрэгтэй. Хамгийн шулуухан зам бол манай байгууллага дээр ирээд байгууллагын Оффис менежертэй уулзаад хүссэн бүх мэдээллээ авч болно. Хандив тусламж болон хамтрах санал байвал бариад ирээрэй. Бидний хаяг Багшийн дээдийн уулзварын урд UBH төвийн 10 давхар 1013 тоот. Харилцах утас: 77076996, 94222888 6. Идэвхтэй оролцоо... Бидний зүгээс маш олон үйл ажиллагааг Ид шидийн орон төсөлдөө зориулан хийдэг. Тэдгээр үйл ажиллагаануудад оролцох. Энэ бас нэг талын тусламж. Ковер тоглолт болж байвал найзуудаа уриалаад хүрээд ирэх, дуудлага худалдаа болох гэж байвал мэдээллийг нь яг сонирхож буй хүмүүст нь хүргэх гэх мэтээр ямар ч хэлбэрээр оролцох. Энэ бол яахын аргагүй бодит тус юм үү. За тэгээд та бүхэн туслах боломжтой бүхий л боломжийг мэдэж авлаа шүү. Амжилт найзууд аа! Лантуун дохио ТББ 2017.05.16