Сэтгэл байхад үнэхээр ямар ч хэлбэрээр дэмжиж болдог гэдгийг залуус охидууд харуулж байна даа. Нандин брендийн хамт олон маш сонирхолтой дуудлага худалдааг хэрэглэгчдийнхээ дунд зохион байгуулж Ид шидийн орон төсөлд өөрсдийн хувь нэмрээ оруулж байна. Хэхэн туслаж байгаа вэ? гэж үү? Дараах тайлбарыг уншаарай. Өдрийн мэнд, NANDIN-чууд аа, маш чухал пост эхэлж байна :) Бид бүх загвараасаа заавал нэгийг авч үлдээд архив үүсгэн хадгалдаг юм л даа. Баянхошуунд баригдаж байгаа хүүхэд хамгааллын төв болох "Ид Шидийн Орон"-д яаж тусалж болох вэ гэж бодоод ийм арга оллоо. Аль эрт дууссан эдгээр загваруудыг одоо хүртэл маш их хүн асуудаг. Тиймээс бид хадгалсан нэг нэг загвараараа анхны онлайн дуудлага зарлаж олсон орлогоо 100% хандивлах гэж байна. Дүрэм нь их энгийн: Та авахыг хүсч байгаа загварынхаа дор хамгийн их үнэ бичсэн байгаа хүнээс давуулж бичихэд л хангалттай. Ялагч нь оройн 00:00 цагт тодроно. Авахыг эртнээс хүсч байсан, дахиж гарахгүй загвар тань "Ид Шидийн орон"-ы тусгай бичгийн хамт очих болно оо :) Бусад бүх хувцасны марк, бренд, дизайнер, дэлгүүрүүдийг энэ постоороо дамжуулан уриалж байна, бүгдээрээ чадах зүйлээрээ тусалцгаая. Нэг ч хүүхэд хүчирхийлэл дор амьдрах ёсгүй, тэд зөвхөн хайр энхрийлэл дунд л өсөх ёстой. Ямар ч хэлбэрээр туслаж болно гэдгийг харуулж буй NANDIN брендийн хамт олондоо баярлалаа.