"Нэг амь- Нэг мэдээлэл" парламентын мэтгэлцээн болов.

6 сар, 1 долоо хоног-н өмнө 348

advise image

Илтгэх урлаг, Парламентын мэтгэлцээний Бизнес спикер клубийн санаачлагаар Лантуун дохио ТББ, Монголын мэтгэлцээний танхимтай хамтран "Нэг мэдээлэл- Нэг амь" сэдэвт уран илтгэл, мэтгэлцээний тэмцээнийг амжилттай зохион байгууллаа.

Тэмцээн нь илтгэгч, мэтгэлцэгч залуусаар дамжуулан хүүхдийн хүчирхийллээс урьдчилан сэргийлэх мэдээллийн үнэ цэнийг сурталчиллах мөн залуусын оролцоотой хүчирхийллээс ангид нийгмийг бүтээхэд хувь нэмэр оруулах зорилгоор зохион байгуулагдсан бөгөөд мандатны мөнгөнийн тодорхой хувь нь Ид шидийн орон төсөлд маань хандивлагдсан гэдгээрээ илүү онцлог юм.

Тэмцээнд оролцсон 64 багийн залуус хүчирхийллийн талаарх олон талын ойлголттой болж, өөрсдийн дуу хоолойгоо илэрхийлж, тодорхой шийдлүүдийг бидэнд санал болгосон билээ. Ур ухаан, авьяас чадвар, цаг заваа зориулж хүчирхийллийн эсрэг өөрсдийн байр сууриа илэрхийлсэн нийт залуусдаа чин сэтгэлээсээ баярлалаа.

Ид шидийг бүтээхэд залуус өөрсдийн оролцоогоороо, идэвх санаачлагаараа нэгдэж буйд бид чин сэтгэлээсээ талархаж байна. "Нэг мэдээлэл Нэг амь" илтгэх урлаг, парламентын мэтгэлцээнийг хамтран зохион байгуулсан байгууллагууддаа баярлалаа.

Хүүхэд бүхэн инээнэ Ид шидийг бүтээнэ.