Бид нэг ажлыг энэ жил хойш нь тавьчихаад "Арай л барахгүй дээ" гээд явж байлаа. Энэ бол "Ид шидийн орон" хүүхэд хамгаалал, хөгжлийн төв цогцолборын чухал хэсэг болох "Хөгжлийн төв"-н барилга юм. Хоёр том байшин руу зүтгэж ороод хандив нь дундаа зогсоод сүүлдээ аль нь ч үгүй болох вий, яаж ийж байгаа нэг байшингаа дуусгаад үйл ажиллагаагаа эхлүүлээд тэгээд алхам алхамаар явцгаая... Бидэнд ид шид мэт нэг санал ирсэн нь үндэсний компани МАК ХХК байсан юм. Юу байна түүгээрээ туслая манайд шинэ технологи евроблок бас цемент байна хойд байшингийн чинь хэрэг болох бүх блок цементийг манайх гаргачихья нийгмийн хариуцлага талаасаа ч тэр, хүүхдийн төлөө үйлс учраас бид ингэж туслая гэсэн санал. Гайхалтай биш гэж үү? Ингээд бид зураг төслөө блокон хийцэнд тааруулж гэрээ нөхцөл гээд хэд хоног хамтран ажилласны үр дүнд гэрээгээ эцсийн байдлаар зурж 23.885.000 төгрөгийн үнэ бүхий 170м3 евроблок, 8.496.000 төгрөгний үнэ бүхий 60 тонн евроцементийг 100 хувь хандиваар авах болов. Хамтран ажилласан, барилга угсралтын ажил дээр өөрсдийн түнш байгуулагатайгаа холбож өгсөн бас өнөөдөр сайхан мэдээг дуулгасан менежер Г.Зулбаяр болон бусад удирдлагад баярлалаа. Монголын үндэсний компаниуд маань нийгмийн хариуцлагыг илүү бодитой хүрээнд харж өөрсдийн чаддаг зүйлсээр томоохон хөрөнгө оруулалт хийж байгаад МАК ХХК-д "Ид шидийн орон" төслийн хамт олны зүгээс талархал илэрхийлье ! Одоо л энэ мундаг технологийн ид шидийг хамтдаа харцгаая. ИД ШИД ҮРГЭЛЖИЛСЭЭР... ЛАНТУУН ДОХИО ТББ