“Ид шидийн уут” задрах мөч ойртсоор...

2 долоо хоног, 2 өдөр-н өмнө 85

advise image

“Лантуун дохио” ТББ-аас жил бүр зохион байгуулдаг “Ид шидийн уут” аян эхлэхэд тун бага хугацаа үлдлээ. Бид шинэ жилийн баярыг тохиолдуулан хотын төвөөс алслагдсан, эмзэг бүлгийн айлд зочилж, бяцхан хүүхдүүдэд баяр хөөр бэлэглэн, амьдралынх нь нэгэн нандин дусамжийг бүтээдэг. “Ид шидийн уут” аян 2015 оноос эхлэн жил бүр ойролцоогоор 1500 өрхийн 7000 орчим хүүхдийг баярлуулж ирсэн. Энэ жил ч бид маш олон хүүхдэд “ид шид”-ийг түгээхээр бэлдэж байна.

Өвлийн хүйтэн улиралд жаахан дүү нар минь даарах вий гэсэндээ Лантуу дохио бүлгэмийнхэн бид дулаан малгай, ороолт, куртик, хичээл номондоо онц сурахыг нь дэмжиж цүнх, хичээлийн хэрэглэл зэрэг бусад зүйлийг бэлэглэдэг. Бид өмнөх жилүүдэд бэлэгний уут зэргээ өөрсдийн гараар оёдог байсан бол энэ жил улам чадваржиж, дүү нартаа өөрсдийн гараар дулаан малгай оёж байгаа шүү. Мэдээж энэ бүх бэлэг, “ид шид” сайхан сэтгэлт ах эгч нарын минь сэтгэлийн бэлэг, хандиваас бүтдэг. Иймдээ ч бид сэтгэлийн бэлэг цуглуулах аяндаа гараад байна.

Бяцхан хүүхдүүдэд зориулсан таны сэтгэлийн жаахан бэлэг ч тэдэнд хамгийн үнэтэй зүйлсийг ойлгуулж, хамгийн нандин дурсамж нь болж чаддаг юм шүү. Тэгэхэээр та ч бас бидэнтэй нэгдэж “ид шид”-ийг бүтээгээрэй.

Хандивыг бид Сонгино Хайрхан дүүргийн Баянхүүшууны Зүүн салаанд байрлах “Ид шидйн орон” болон “UBH” төвийн 10 давхарт хүлээн авч байна. Дэлгэрэнгүй мэдээллийг 94222888 болон 96363885 дугааруудаас аваарай.