Хүүхэд хамгаалдаг Монгол баатар Лантуу хүү

2 years, 12 months-н өмнө 2735

advise image
Хүний наймаа, хүчирхийллийн чиглэлээр олон талт ажлуудыг хийсэн сайн туршлага дээр үндэслээд "Лантуу хүү" бүрэн хэмжээний контент төслийг эхлүүлэхээр боллоо. Хүний наймаа, хүчирхийллийн сэдэв өөрөө маш хүнд агуулгатай тул хүүхдийн хэлээр буюу сонирхолд нь тулгуурлан урьдчилан сэргийлэх мэдээллийг өгөх нь чухал юм. Хүүхдийг хамгаалах Монгол баатар Лантуу хүүгээр дамжуулан өөрийгөө болон бусдыг аливаа эрсдэл, аюулаас хамгаалах аргачлалд сургаж мэдлэгжүүлэх замаар бүхий л хүчирхийлэл, хүний наймаанаас урьдчилан сэргийлэх мэдээллийг түгээх юм. Лантуу хүү төсөл дээр хамтран ажиллаж буй "Нүүдлийн зурган өгүүлэмж" ТББ-ын хамт олон контент бүтээх, сайжруулах, дагалдах аудио болон ведио, дижитал контентуудыг хамтран бүтээхээр санамж бичиг байгуулаад үе шаттайгаар олон ажил хийгдээд явж байна. Мөн төслийн үндсэн бичвэр болон судалгааны ажил дээр Гэрэгэ Системсийн гүйцэтгэх захирал Н.Энхжаргал болон Сүмбэн цагаан ботго номын зохиолч, судлаач С.Мягмаржав дэвжиж ажиллахаар боллоо. Хүүхдийн бүтээл тэр тусмаа комик, дижитал комикоор дамжуулан хүүхдийг хамгаалах шинэлэг контент бүтээх том ажил эхэлж байна. Хүүхэд хамгаалдаг Монгол баатар Лантуу хүү

Сэрэмжлүүлэг мэдээ

Их уншигдсан мэдээ