Ид шидтэй тэмцээн амжилттай зохион байгуулагдлаа.

1 сар-н өмнө 230

advise image

IRIM хараат бус судалгааны байгууллагын 11 жилийн ойг угтсан сагсны тэмцээн өнгөрсөн амралтын өдөр буюу 4 дүгээр сарын 13-нд амжилттай зохион байгуулагдлаа. Тус тэмцээн өнгөрсөн жил н.Тэмүүлэн хүүгийн эмчилгээний зардалд хандив босгох зорилгтойгоор зохион байгуулагдаж байсан бол энэ жил "Ид шидийн орон-2" төсөлд зориулагдах юм.

Тэмцээнд Зориг сан, МУИС-ийн социологи, нийгмийн ажилтны 2004 оны төгсөгчид, Sica судалгааны байгууллага, Талх чихэр ХХК, Лантуун дохио ТББ, IRIM судалгааны хүрээлэн зэрэг нийт 11 баг тамирчид тэмцээнд оролцлоо.

Нийт 11 баг, тамирчид өрсөлдөж эрэгтэй 1-р байрыг Зориг сангийн хамт олон, эмэгтэй 1-р байрыг Лантуун дохио ТББ-ын баг тамирчид эзэлж аваргаар шалгарлаа.

Тэмцээний бооцооны мөнгө 100 хувь "Ид шидийн орон-2" төсөлд хандивлагдсан бөгөөд IRIM хараат бус судалгааны хүрээлэнгийн хамт олон нийт 650,000 төгрөгийг Лантуун дохио ТББ-ын хамт олонд хүлээлгэн өглөө. Хүүхдийн сайн сайхны төлөө өөрсдийн хувь нэмрээ оруулж буй IRIM судалгааны хүрээлэнд чин сэтгэлээсээ баярлалаа.

Мөн тус тэмцээнийг дэмжин оролцсон баг тамирчдад халуун баяр хүргэе.

Хүүхэд бүхэн инээнэ. Ид шидийг бүтээнэ.