Ид шид ... энд байдаг юм

9 сар, 1 долоо хоног-н өмнө 558

advise image

Ид шид хаана байдаг юм бол ? ... Ингэж хайж явсаар, өдөржин эрж бэдэрсээр орой орондоо ороод нүдээ анин зүрхээ чагнатал ... Тэнд ... Халуу дүүгэж хайр ундарсан тэр л газраас ид шид ундарч эхлэжээ.

Өвлийн өвгөд цасан охид Монголын олон олон хүүхэд багацуулд ид шид гэдэг хол газар байдаггүй юм гэдгийг мэдрүүлж, хэлж өгөхөөр олон сар бэлтгэж хөдөлмөрлөж, үзэмжит хөөрхөн цүнхнүүдийг өөрсдийн гараар урлаж, хүүхдэд хайртай тив дэлхийн олон Монголчууд зөвхөн "Тэр л инээмсэглэлийг" харахын тулд эрвийх дэрвийхээрээ тусласан гэнэ шүү.

Өвлийн өвгөд цасан охид цагаахан сэтгэлээ хөлөглөсөөр өглөө эртлэн босож шөнийн бүрий хүртэл мишээл дүүрэн ажиллаж даруй 2800 хөөрхөн хүүхдийн сэтгэдд "Ид шидийг амилуулчихаад" яваа гэнэ шүү. Тоо чухал биш гэнэ, гол нь энэ ажил үргэлжилж байна гэнэ, улам илүү чармайж явна гэнэ шүү.

Өнөөдөр хүн төрөлхтөнд хамгийн их дутагдсан зүйл бол "Хайр" гэнэ, түүнийг хамгийн ойроор ид шидтэй зүйрлүүлж болох ажээ.

Хүүхэд бүхэн инээнэ Ид шидийн түгээнэ

Лантуун дохио ТББ Ид шидийн уут 2017 аян