Хүний наймаа гэж монгод бий юу? Хүний наймаа гэж юу вэ? Энэ талаар урьдчилан сэргийлэх наад захын алхамуудыг та мэдэх үү? Хэрэв үгүй бол дараах зөвлөмжүүдийг маш анхааралтай уншаарай. 1.Танихгүй танил Таньж мэдэхгүй хүмүүстэй анх удаа уулзахдаа ойр дотныхоо хэн нэгэнд энэ талаараа хэлж мэдэгдсэн байх. Болж өгвөл Фэйсбүүк болон бусад сошиал сувгаар танилцсан хүмүүстэй уулзахгүй байх. 2.Өөрийгөө хамгаал Магадгүй та оройн цагаар аюултай замаар явах хэрэг гардаг бол өөрийгөө хамгаалах ямар нэг хэрэгслийг биедээ авч яваарай. 3.Ажилд зуучилна Та ажил хайж байна уу. Ажилд зуучилна гэсэн олон зарын дунд аюул заналхийж байж мэдэх тул баталгаатай эх сурвалж болон зуучлалын байгууллагад хандаж сонор сэрэмжтэй байна уу. Өндөр цалин, нас заасан зар болгоны ард таны мэдэхгүй аймшигтай мэдээллүүд нуугдаж байдгийг анхаараарай. 4.Тэтгэлэг Сүүлийн үед оюутан залуус гадаадын улс орнууд руу тэтгэлгээр явах хүсэлтэй болсон бөгөөд үүнийг ашиглан гэмт хэрэгтнүүд хуурамч тэтгэлэг зарлаж олон хүмүүсийг хохироож байгаа тул хэрэв та гадаадад суралцахаар шийдсэн үнэхээр тийм тэтгэлэг, сургууль байдаг эсэх талаар судалгааг сайтар хийгээрэй. Таны хүсэл мөрөөдлийг хүний наймаачид л хулгайлдаг гэдгийг байнга санаж яваарай. 5.Утасаа бүү танихгүй хүнд өг Таныг заримдаа хэн нэгэн утсаар чинь нэг яриад өгье гэж хэлдэг л биз дээ. Сүүлийн үед утсаар нь залгаж дугаарыг нь мэдэж авсны дараа холбогдож айлган сүрдүүлэх тохиолдлууд гарч байгаа тул та аль болох утасаа хүнд бүү өгөөрэй. Аюулгүй байдал маш чухал. Гэнэн зан гэдэг таныг үргэлж эрсдэлд оруулах магадлалтай. 6.Бичиг баримтаа бусдад бүү өг Гадаадын улс оронд очсон үедээ хэн нэгэнд бичиг баримтаа бүү өг. Таны бичиг баримтыг барьцаалан таныг буруу зүйлд уруу татах аюултай тул сэрэмжтэй байна уу. Аялал, зугаалга, сурах, ажиллах гээд бүхий л үед. Хэзээ ч бүү хувийн бичиг баримтаа бусдад бүү өг. Шаардлагатай тохиолдолд хуулбарыг нь баталгаажуулааг өгдөг байх. 7.Хэрэгтэнг бүү нууцал Хэн нэгэн таныг буруу зүйлд уруу татах эсвэл сүрдүүлж байвал та айх хэрэггүйгээр шууд л цагдаагийн байгууллага, хүний эрхийн байгууллага гээд хандаж болно. Та айж балмагдан яах аа мэдэхгүй байсан ч хэн нэгэнд заавал мэдэгдээрэй. 8.Такси Та магадгүй ямар нэг үйл ажиллагаанд яарч такси барих хэрэг гарвал хэн нэгэнд таксины дугаарыг заавал мэдэгдэх эсвэл дуудлагын такси хөлсөлж байгаарай. Сүүлийн үед такси нэрийдлээр дээрэм, гэмт хэрэг ихээр гарч буйг анхаараарай. Шөнө орой явахдаа утсаа нэгжтэй, цэнэгтэй байлгах хэрэгтэй. Ямар нэг асуудал гарвал ар гэртээ шууд хандахад үргэлж бэлэн байх үүднээс. Хэрэв унтарсан тохиолдолд хэсэгхэн зуур ч гэсэн цэнэглээрэй. 9.Найз нөхдөө зөв сонго Таны найз нөхөд таныг хуурч мэхлэж муу зүйлд уруу татдаг юм биш биз? Хэзээ ч бүү уруу татагдаарай. Өөрөө өөртөө эзэн болоорой. Хүний наймаанд чиний найз гэх хүн хүртэл оролцох боломжтой гэдгийг санахад илүүдэхгүй. Шинэ оюутан сургалтын агуулгыг хураангуйлав. 99Plus - Төслийн хүрээнд хийгдэв.