ТАНД ГЭРЭЛ НЭМЬЕ

5 сар, 1 долоо хоног-н өмнө 560

advise image

Ид шидтай ах эгч,аав ээж, эмээ өвөө, найз нөхөд, дүү нараа. Жинхэнэ ид шид хаана ошдогийг та бүхэн мэдэх үү? Ер нь ид шид гэж чухам юуг нэрлээд байгаам бол гэж бодож байсан уу? Тийм бол би иш шидийн талаар цөөхөн зүйл тэмдэглэе.

Ид шид гэхээр үлгэрт гардаг эвсэл Харри Поттер дээр гардаг саваа мод барьсан, нөмрөг нөмөрсөн, босоо малгайтай нөхөд төсөөлөгдөж байна уу? Тиймээ тэд бол кинон дээр гардаг, эсвэл бидний мэдэх хайртай үлгэрүүдэд гардаг ид шид. Тэгвэл бодит амьдрал дээр ид шид хэрхэн биелэлээ олдог вэ? Хэний ч төсөөлөөгүй, санаанд нь буугаагүй гэнэтийн өөрчлөлт, бүтээн байгуулалт гэдэг бодит амьдрал дээрх ид шид. Хэзээ ч өөрчлөгдөхгүй гэж байсан зүйлс өөрчлөгдөж эхлэх, бусдын сэтгэлд орших харанхуйд гэрэл нэмэх, алдагдсан, алдарсан итгэлийг нь сэргээх, хэний ч мэдрээгүй мэдрэмжийг түгээх, хайрыг түгээх, шантарсан сэтгэлд урам зориг хайрлан амьдралд нь төсөөлөөгүй өөрчлөлтийг авчрах. Тийм ээ энэ бол ид шид. Бодит амьдрал дээр биелэлээ олж болох ид шид. Энэ ид шидийг хэн ч бүтээж болно. Гагцхүү сэтгэлд буй тэр нандин чанараа олж хараад эхлүүлэх л хэрэгтэй.

Яг одоо таны харж буй зураг бол ид шид биелэлээ олж буй зураг. Бидний хүсч, зорьж буй Ид шидийн орон. Олон олон хүүхдийг хүчирхийллийн айдсаас чөлөөлөх, алдарсан итгэлийг нь буцаалж олж өгөх, амьдралд итгэх итгэлийг бэлэглэх. Ахиад шинээр эхлэх боломжийг бий болгох. Халуун дулаан уур, аз жаргалтай, хайр халамжийг үйлдвэрлэх бидний сэтгэлээс ургах, сэтгэлээс төрсөн ид шидийн орон. Бид хүүхдэд хайртай гээд сэтгэлээсээ гарах бүхнээ бидэнд зориулдаг эрхэм монголчуудын минь ид шидийн орон. Та бүхний амьдралд гэрэл нэмэх, дурсамж нэмэх, хөг нэмэх ИД ШИДИЙН ОРОН бүтээн байгуулагдаж байна.

Мянга мянган монгодчууд, дэлхийн монголчууд, дэлхийн иргэдийн сэтгэлээр бүтэж буй ид шидийн орон удахгүй нээгдэх болно. Яг л нээлтээ хийх тэр мөчийг мянга мянга залуучууд чих тавин, зүрхээ чагнан хүлээж байгаа байх гэдэгт итгэлтэй байна. Ид шидийг бүтээгч ах эгч нараа биднийг дэмжээрэй. Дэмжиж буй хүх хүмүүсдээ ахин дахин талархаж байна.

Дотроо нуугдаж буй бусдын төлөө, хүний төлөө ундрах ид шидээ олж нээгээд бидэнтэй хуваалцаарай, цааш түгээгээрэй.

Ид шидтэй ах эгч нар, эмээ өвөө, ээж аав, хөөрхөн дүү нар, найз нөхөд гээд нэрлэж болох бүхийл хүмүүсдээ баярлалаа.

Нийтлэлийг У.Ганбаяр