Америкад байгаа монголчууд маань нэгдээд маш олон үйл ажиллагааг зохион байгуулж Ид шидийн орон төсөлд маш том дэмжлэгийг өгч үргэлж гэнэтийн мэдээгээр бэлэг барьдаг билээ. Өнгөрсөн бүтэн сайн буюу 4-р сарын 30-ны өдөр Ид шидийн ороныг танилцуулах уулзалт амжилттай болж өндөрлөв. Тус уулзалт нь америкт үйл ажиллагаа явуулдаг компанийн эздүүдийг урьж оролцуулан Ид шидийн орон төслийн талаар танилцуулга хийж, хэрхэн дэмжиж болох талаар мэдээлэл өглөө. Мөн уулзалтын үеэр нийт ирсэн зочидын дунд дуудлага худалдааг зохион байгуулсан. Цолмон зураачийн "Sun Lullaby" хэмээх гайхалтай бүтээлийг дуудлага худалдаанд оруулсан бөгөөд уг бүтээл 1500$ доллараар зарагдлаа. Бүтээлийг худалдаж авсан Дашийн Өлзий-Хутагт маань өөрийн худалдаж авсан бүтээлээ гэртээ биш Ид шидийн орон төсөлд хандивлан нэмээд 5000$ -ыг бид бүхний төсөлд хандивлав. Мөн Вашигтонд байрлах Хамтдаа хайрлая группын 13 ээж нийт 2000$ болон 10 хайрцаг хүүхдийн тоглоом, 10 хайрцаг хувцасыг ид шидийн орон хүүхэд хамгааллын төвд хандивлалаа. Мөн олон залуучуудыг ид шидийн орон төслийг дэмжиж оролцохыг уриалсаар байна. Мөн бид бүхэнд барьсан хамгийн том бэлэг бол www.lantuundohio.org сайтыг нээсэн явдал юм. Олон улсад хүлээн зөвшөөрөгдсөн маш гайхалтай сайтыг нээн ажиллуулж байна. Үнэхээр ид шид үргэлжилсээр л... Лантуун дохио ТББ