Ил тод байдал ба шилэн данс

3 долоо хоног-н өмнө 839

advise image

Лантуун дохио төрийн бус байгууллага нь хүчирхийлэл, хүний наймаанаас урьдчилан сэргийлэх, холбогдох хууль тогтоомжийг олон нийтэд таниулах зорилготойгоор 2013 оноос эхлэн тууштай үйл ажиллагаагаа явуулж өөрсдийн сайн туршлагыг хуримтлуулсаар иржээ.

Энэ хугацаанд олон талт төсөл хөтөлбөрүүдийг хэрэгжүүлж ирснээс хамгийн том нь "Ид шидийн орон" төсөл. Тус төслийг мянган мянган сайхан сэтгэлт монголчуудын хандиваар бүтээн байгуулсан. Бид хандивлагчдынхаа итгэлийг алдахгүйн тулд санхүү болон үйл ажиллагааны ил тод байдлыг хангаж ажиллахаар www.lantuu.mn сайтад шилэн данс тогтмол хөтөлдөг.

Лантуун дохио төрийн бус байгууллага нь 2016, 2017 оны санхүүгийн байдлын тайлан, орлого зарлагын тайлан, өмчийн өөрчлөлтийн тайлан, мөнгөн гүйлгээний тайлан болон сайнхүүгийн тайлангийн талаарх тэмдэглэл, тодорхой нягтлан бодох бүтргэлийн бодлогуудын хураангуй зэргээс бүрдсэн санхүүгийн тайландаа Олон улсын Эрнст энд Ёонг Монголиа Аудит ХХК-аар хөндлөнгийн хараат бус аудит оруулж санхүүгийн сахилга батыг нягт ханган ажилладаг гэдгээ баталгаажуулж авсан гэдгийг тодотгох нь зүйтэй.

Бид бүх дэлхийн ид шидтэй ах, эгч нарын өгсөн хандив, тусламж бүрийг цаг алдалгүй lantuu.mn сайтын ХАНДИВ хэсэгт шивэгдэж ордог. Мөн тухайн хандив юунд зарцуулагдаж байгааг та шууд харах боломжтой. Хандив өгсөн л бол тус цэс рүү орж өөрийн хандиваа орсон эсэхийг харж баталгаажуулж байгаарай.

Хэрэв таны хандив ороогүй, шивэгдээгүй байвал 77076996 дугаар луу болон Лантуун дохио, Лантуу хүү, Ид шидийн орон фэйж хуудас руу зурвас үлдээгээрэй. Таны хандив орсон эсхийг шалгаад яаралтай хариу өгөх болно.

Биднийг үргэлж дэмжин ажилладаг бүх дэлхийн ид шидтэй ах, эгч нартаа баярлалаа.

Хүүхэд бүхэн инээнэ Ид шидийг бүтээнэ.

Лантуун дохио ТББ