ЖАК ба Түүний нөхөд

6 сар, 1 долоо хоног-н өмнө 725

advise image

Өчигдөр буюу 2017 оны 5 дугаар сарын 10-ны өдөр Лантуун дохио ТББ-ын тэргүүний маань хорвоод мэндлэсэн өдөр болон Ид шидийн орны давхарын цутгалт хийгдсэн өдөр. Гадаа нар шарж байснаа гэнэт хүйтэрч, шороо хийсч, цас орж, бороо хаялсан адал явдалтай өдөр байлаа. Төрсөн өдрийн эзэнд баяр хүргэхээс гадна ид шидийн орон төсөлд минь сайн дурын залуучууд болон биднийг дэмждэг албан байгууллагын төлөөлөл ирж барилгын үйл явцтай танилцлаа. Төсөлтэй танилцсан залуус өөрсдийн зүгээс мөнгөн болон материаллаг хандивуудыг өгсөн юм. Ирсэн хүмүүстэй зориулан 40кг цуйван болон халуун коффегоор дайлсан бөгөөд газар дээр очсон хүн бүр мартагдахааргүй дурсамжтай өөдөр байсан гэдэгт итгэлтэй байна.

Бид бүхэнд Монхорус компани 4.2 сая төгрөгний цахилгаан монтажны материалыг 100 хувь хандивласнаар Лантуун дохио ТББ-н дансаар орж ирсэн олон зуун найзуудын хандивууд, төрсөн өдрийн бэлэг нэмэгдэн өнөөдөр бараг 9 сая төгрөгний хандив цуглажээ. Мөн Суруга Монголоос өчигдөрийн цутгалтын помпыг шатахуун жолооч бүх зүйлтэй нь 100 хувь түрээсгүй хандивлалаа.

Баярлалаа та бүхэндээ!

Лантуун дохио ТББ