"Анхаар"-ыг Анхаараарай! Танд хэрэгтэй мэдээлэл

9 сар-н өмнө 634

advise image

Одоо үед бараг хүн бүр ухаалаг утастай болсон билээ. Үүнийг дагаад бидэнд хэрэгтэй олон application гарсаар байна. Ухаалаг утастай хүн бүрийн, тэр дундаа охид эмэгтэйчүүдэд заавал байх шаардлагатай нэгэн application-г Онцгой байдлын ерөнхий газар, НҮБ-ийн Хөгжлийн Хөтөлбөр хамтран гаргасан байна. Энэхүү апп-г та Play store-s үнэгүй татаж аваад ашиглах боломжтой. Интернэтгүй үед ч ажилладаг. Хэрэглэхэд хялбар бүх насны хүн хэрэглэхэд тохиромжтой юм.

Дээрх апп нь олон хэрэгцээтэй мэдээллүүдээс бүрдсэн байна. Тухайлбал:

  1. Хүчтэй салхи, гал түймэр, халдварт өвчин, газар хөдлөлт гэх мэт онцгой байдлын үед авах арга хэмжээ, түүнээс урьдчилан сэргийлэх арга замууд гэх мэт мэдээллүүд багтсан.

  2. Анхны тусламж гэж юу вэ? Анхны тусламжийг хэрхэн үзүүлэх вэ? гэх мэт тусламж үзүүлэхэд шаардлагатай бүх төрлийн мэдээллүүд

3.Чухал шаардлагатай утасны жагсаалт. Үүнд:

  • Яаралтай тусламжийн дугаарууд /Гал түймрийн дуудлага, цагдаагийн дуудлага, Түргэн тусламжийн утас, Гэр бүлийн хүчирхийллийн дуудлага, Хүүхдийн тусламжийн утас гэх мэт/

  • Эрүүл мэндийн лавлах утаснууд /Дүүргүүдийн хүүхдийн түргэн тусламжийн утас, Түлэнхийн төв, Халвдартын түргэн, Амаржих газруудын утас гэх мэт/

  • Аймгуудын дуудлага хийх утасны дугаарууд

4, Тус апп-ы хамгийн чухал хэсэг нь болох ХЭРЭГСЛҮҮД цэс. Энэ цэс нь:

  • Гар чийдэн /Тод асдаг гар чийдэнтэй. Хэрэв орой үдэш ганцаараа явж байгаа бол танд хэрэг болно/

  • Гар чийдэнг анивчуулах /Энэ нь цагаан гэрэл анивчдаг. Үр ашиг нь жишээ нь таныг хэн нэгэн дагаад байвал холоос асаагаад бариад явах хэрэгтэй. Цагдаа, түргэний машины гэрэл ч бас анивчдаг учраас тухайн хүн тэр үедээ гайхаж балмагдах хооронд та зугтах боломжтой/

  • Дуут дохио /Энэ нь цагдаагийн машины дохиололтой ижил дугардаг. Таны биед халдахыг завдаж буй этгээд энэхүү дуут дохиог сонсоод эргэн тойрноо нягтлах, айх гайхах, анхаарал нь сарних гэх мэт нөхцөл байдалд орсон үед та хурдан хугацаанд зугтах боломжтой/

  • Түгшүүрийн дохио /Энэ дохиолол нь бидний мэддэгчлэн гамшгийн үед дугардаг дохиолол юм. Дээрх дуут дохиололтой ижил зориулалтаар хэрэглэгдэх боломжтой. Дуут дохио нь гадаа явж байхад эргүүлийн машины чимээ гаргах зориулалттай бол түгшүүрийн дохио нь барилга байгууламж дотор дуугаргах боломжтой юм/

  • Байршил мэдээлэх /Энэхүү цэсийг сонгон ороход GPS-ээ асаах уу гэсэн тохиргоо гарч ирдэг. Тийм гэж дарснаар таны байршлыг мэдэх боломжтой/

Эцэг эхчүүд, асран хамгаалагчдаа хүүхдүүдийнхээ утсан дээр дээрх апп-г татаж өгөөд хэрхэн ашиглах талаар нь зөвлөөрэй. Мөн та ч бас өөртөө татаж аваад ашиглаарай.

Лантуу хүүгийн найзууд