Монголын анхны бүрэн хэмжээний тэтгэлэгт хөтөлбөр амжилттай зохион байгууллагдлаа.

4 сар, 4 долоо хоног-н өмнө 1324

advise image

Хүн бүрт боломж олддог.Гагцхүү боломжийг олж хараад хэрхэн ашигласан гэдэг хамгийн чухал. Лантуун дохио ТББ болон Сэрүүлэг дээд сургууль хамтран хүн бүрт олдоод байдаггүй гайхалтай боломжийг нээж өгсөн юм. Энэ нь улсын хэмжээнд хамгийн анхны бүрэнт хэмжээний тэтгэлэгт хөтөлбөр буюу сургалтын төлбөр, байр, хоол, хичээлийн хэрэгсэл гээд оюутан хүнд юу л хэрэгтэй тэр бүгд багтсан гайхалтай тэтгэлэг зарлагдсан юм. Маш том боломж байгаа биз.

Энэхүү тэтгэлэгт хөтөлбөрт сурах чин хүсэл эрмэлзэлтэй боловч их дээд сургуульд суралцах боломжгүй, амьжиргааны түвшин доогуур өрхийн төгсөх ангийн сурагчийг дэмжин ирээдүйн чадварлаг боловсон хүчин бэлтгэх зорилтойгоор нийслэлийн болон хөдөө орон нутгийн ерөнхий боловсролын сургуулийн сурагчдын дунд зарлагдсан.

Тус хөтөлбөрт Нийслэл хот болоод хөдөө орон нутгаас оролцохоор нийт 52 сурагчид бүртгүүлсэн бөгөөд эхний шатны бичгийн шалгалтад 10 оюутан тэнцэж хоёрдугаар шатны ярилцлагын шалтнаас маш ширүүн өрсөлдөөн дундаас 3 хүүхдийг шалгарууллаа. Хүсэл мөрөөдлийнхөө төлөө шантралгүй тэмцэж, хүнд хэцүү асуудлуудтай нүүр тулсан ч гутарч гуниглалгүй яваа төгсөх ангийн 3 залуугийн амьдралд тод өдөр болж байна.

Х.Хонгорзул Монголын анхны БҮРЭН тэтгэлэг буюу сургалтын төлбөр, байр, хоол, хичээллийн хэрэглэл гээд бүгд багтсан тэтгэлэг авч харин С.Ундармаа, О.Цогоо нар Сургалтын төлбөрийн 100% тэтгэлэгээр суралцах эрхийн бичгээ гардан авлаа. Нийт хүүхдүүддээ сурлагын амжилт хүсье. Улс эх орондоо хэрэгтэй чадварлаг боловсон хүчин болоорой.

Мөн эх орныхоо хөгжилд үнэтэй хувь нэмэр оруулж олон арван хүүхдэд оюуны хөрөнгө оруулалт хийж тэтгэлэгт хөтөлбөрүүдийг хэрэгжүүлэн ажиллаж байгаа Сэрүүлэг их сургууль-ийн хамт олонд гүнээ талархаж байгааг хүлээн авна уу.

Материалаа илүүлсэн ч хараахан тэнцээгүй хүүхдүүддээ хэлэхэд боломж ахиад олдоно. Тиймээс үргэлж бэлтгэлтэй байгаарай. Бүгдээрээ шантрах хэрэггүй шүү. Улам хичээгээд дараагийн боломжийн эзэд болоорой.

Лантуун дохио ТББ 2017.04.27