Анхны бүрэн хэмжээний тэтгэлэгт хөтөлбөр

5 сар-н өмнө 459

advise image

“Сэрүүлэг их сургууль” болон “Лантуун Дохио ТББ” хамтран анхны бүрэн хэмжээний тэтгэлэгт хөтөлбөрийг зарласан билээ. Бид суралцах хүсэл эрмэлзэлээр дүүрэн боловч их дээд сургуульд суралцах боломжгүй, амьжиргааны түвшин доогуур өрхийн төгсөх ангийн сурагчийг дэмжихээр эрэл хайгуул хийсээр байна. Бид тэтгэлэгт хамрагдах зорилтот хүүхдүүдэд мэдээлэл хүргэх зорилгоор интернетээс гадна нийслэлийн хэмжээнд улсын 120-иод ЕБС-н нийгмийн ажилтан, хичээлийн эрхлэгчидтэй уулзаж албан бичиг, мэдээлэл өгөөд хүүхдүүддээ танилцуулж тэднийг дэмжиж өгөхийг хүсч гол зорилгоо сайтар тайлбарлаж явлаа.

Энэхүү хөтөлбөрийн мэдээллийг цааш түгээж өгсөн, сургуулиудад биечлэн мэдээлэл хүргэсэн сайн дурынхандаа баярлалаа. Тэтгэлэгийн материалыг 4-р сарын 21-ныг хүртэл авсан бөгөөд эхний шатны шалгаруулалтаас 8 хүүхэд дараагийн шатандаа тэнцсэн. Шалгарсан хүүхдүүд өнөөдөр 2-р шатны шалгаруулалтандаа хамрагдах юм. Материалаа ирүүлсэн нийт хүүхдүүддээ баярлалаа. Нийт хүүхдүүддээ сурлагын амжилт хүсье.