Жил бүр уламжлал болгон зохион байгуулагддаг ШИНЭ ДОХИО төслийн уралдаан нь нийт гишүүдийн дунд баг болон хуваагдаж хүний наймаанаас урьдчилан сэргийлэх, сэрэмжлүүлэг мэдээлэл түгээх, хүүхэд эмэгтэйчүүдийн эсрэг хүчирхийллээс урьдчилан сэргийлэх, таслан зогсооход залуучуудын оролцоог нэмэгдүүлэх замаар тэдний санал санаачлагыг бодит ажил болгон нийгэмд эерэг өөрчлөлт авчрах зорилгоор зохион байгуулагдаж байна. Төслийн уралдаан нь жил бүр Лантуун дохио ТББ-ын сайн дурын залуучуудын дунд зохион байгуулагддаг байсан бол энэ удаагийн төслийн уралдаан олон нийтэд нээлттэйгээр болох бөгөөд шүүгчдийн бүрэлдэхүүнд Цагдаагийн ерөнхий газар, Хүчирхийллийн эсрэг үндэсний төв, Хүний эрхийн үндэсний комисс зэрэг олон жилийн туршлагатай байгууллагуудаас төлөөлөн оролцох бөгөөд шалгаруулалтыг олон нийт, хэвлэл мэдээллийн байгууллагад нээлттэй явуулах болно. Тус уралдааны хүрээнд нийт 15 баг өрсөлдөж байгаа бөгөөд багууд 1 сарын хугацаанд өөрсдийн төслөө боловсруулах болно. Төслийн уралдааны явц тун удахгүй Лантуун дохио ТББ-ын албан ёсны фэйж хуудсаар мэдээллэх болно УРАЛДААНЫ ЗОРИЛГО: Хүний наймаанаас урьдчилан сэргийлэх, хүүхэд эмэгтэйчүүдийн эсрэг хүчирхийллийг таслан зогсоох, олон нийтэд зөв мэдээлэл сэрэмжлүүлгийг түгээх, хүүхэд хамгаалах УРАЛДААНЫ ЕРӨНХИЙ СЭДВҮҮД: • Бэлгийн мөлжлөг Монголд түүнийг таслан зогсоох арга зам • Хөдөлмөрийн мөлжлөг, түүнийг таслан зогсоох арга зам • Эцэг эхчүүдийн хандлагыг өөрчлөх нөлөөлөл • Сургуулийн өмнөх болон сургуулийн насны хүүхдүүдэд зориулсан сургалт, хөтөлбөр • Олон улсын хүн худалдаалах гэмт хэрэг, хуурамч тэтгэлэгт хөтөлбөрийн зарын цаана юу нуугдаж байна вэ? • Секс аялал жуулчлал /Гулгаа массаж, караоке, гольф тур, амралтын газрууд г.м/ • Зочид буудал- насанд хүрээгүй хүүхдүүд ба биеэ үнэлэлт- - ҮРГЭЛЖЛЭХ ХУГАЦАА, ШАЛГАРУУЛАЛТ: Үргэлжлэх хугацаа: 2018 оны 3-рсарын13-ээс4-рсарын13-ыгхүртэл Материал хүлээж авах: 2018 оны 4-р сарын 13-16-ны хооронд Оффис менежер У.Ганбаяр, Шинэ дохио төслийн зөвлөх Т.Саруултөгс нарт хураалгах Шалгаруулалт: 4-р сарын 21-ний өдөр Олон нийтэд нээлттэйгээр явагдана. УРАЛДААНЫ ШАГНАЛЫН САН: • 1-р байр: 3,000,000₮-ний Телевизийн сувгаар төслөө олон нийтэд хүргэх эрх, 800,000₮ гишүүн тус бүр гарын бэлэг • 2-р байр: 2,000,000₮-ний Телевизийн сувгаар төслөө олон нийтэд хүргэх эрх, 500,000₮ гишүүн тус бүрт гарын бэлэг • 3-р байр: Төслийн санхүүжилт, 300,000₮ гишүүн тус бүр гарын бэлэг ТӨСӨЛД ТАВИГДАХ ШАЛГУУР ҮЗҮҮЛЭЛТҮҮД: • Сэдвийн хүрээнд санаагаа оновчтой илэрхийлсэн байх • Олон нийтэд хүрч хандалт авсан байдал Like Share болон онцгой сэтгэгдэл • Бүтээлч, шинийг санаачилсан байдал • Бодитой судалгаан дээр тулгуурласан байдал • Нийгэм дээр хэрэгжүүлж улмаар үр дүнг тооцоолсон байх • Төсөлд шаардлагатай санхүүгийн тооцоолол, эх үүсвэрийг тодорхойлсон байх • Багийн ажиллагаа, бүх гишүүдийн оролцсон байдал, түүнийгээ баталгаажуулах зураг, тэмдэглэл • #Лантуундохио, #Шинэдохио, #МонголЗалуусХүчирхийллийнЭсрэг, #ХүнийНаймаагТэвчихгүй энэ хаш тагийг бүх үйлажиллагаа, олон нийтэд хандсан постер, видео мэдээлэлд ашиглах • Лантуундохио ТББ-ын логог видео, постер нөлөөллийн ажилд заавал багтааж оруулсан байх • Төслийн цаашид үргэлжилэх чадвар, нийт Лантуун дохио ТББ-н хэмжээнд шилдэг төсөл болгон хэрэгжүүлэх боломжтой байх • Төслийн аль нэг хэсэгт, эсвэл төгсгөл үр дүнд гэгээлэг зүйлд уриалсан, олон нийтэд зөв үлгэр дууриал үзүүлсэн байх Лантуун дохио ТББ