Лантуун дохио ТББ-ын нийт гишүүдийн дунд зарласан олон нийтэд хүний наймаа, хүчирхийллийн гэм хэргээс урьдчилан сэргийлэх, сэрэмжлүүлэг түгээх төслийн уралдааныг амжилттай зохион байгууллаа. Лантуун дохио ТББ-ын сайн дурын гишүүдээс бүрдсэн нийт 9 багийн 150 залуус хүний наймаа хүчирхийллээс урьдчилан сэргийлэх, таслан зогсоох, хүчирхийллийн эсрэг олон нийтийг уриалсан өөрсдийн төслөө танилцууллаа. Ганцхан сарын хугацаанд залуус нэг нэгнээ ч танилгүй нэг баг болж, шинэ санаа дэвшүүлж, түүнийгээ хэрэгжүүлж, нэг ч төгрөгийн санхүүжилтгүй сэтгэл зүрхээ дайчлан "Хүчирхийллийн" эсрэг САЙН ДУРААР нэгдэж цаашид ч хэрэгжиж болох олон ажлын суурийг тавьж чадлаа. **9 багийн төслийн онцлог сонирхолтой баримт дурдвал,** Залуус сурагч оюутан, иргэдэд чиглэсэн сургалт, сэрэмжлүүлэх хөтөлбөр бэлтгэн сургууль хороодод сургалт хийжээ. Энэ хугацаанд нийт 1300 хүнд тодорхой хэмжээнд сургалт явагдаж хүний наймаа хүчирхийллийн талаар тодорой ойлголттой болж чадлаа. Цаашид хэрхэн өөрсдийгөө, гэр бүлэа хамгаалах тухай мэдэж авсан байна. Мөн бичлэг нэвтрүүлэг бүхий контент 5 багаас ирсэн бөгөөд түүнийг Лантуун ДОХИОн хуудсаар дамжуулан олон нийтэд хүргэн сэрэмжүүлж, ойлголт өгөх зорилгоор шат дараатай цацагдах болно. Мөн нүдээ нээсэн зочид буудлуудад шалгалт хийсэн нууц дуран хүртэл байв. Давтагдаагүй тоогоор 1000 гаруй хүнээс авсан судалгааны мэдээлэл хуримтлуулж чадлаа. Цаашид уг бодит судалгааг түшиглэн Лантуу Дохио ТББ үйл ажиллагаа явуулах болно. Шинэ санаа санаачлага ундарсан гайхалтай арга хэмжээ болсон бөгөөд анимейшн, граффит зураг, оролцоонд тулгуурласан сургалт, workshop гэхчилэн 2018 онд хийж хэрэгжүүлэх олон санаачлага гаргасан нь үнэхээр хүчирхэг баг хамт олон гэдгээ ахин батлан харууллаа. Ирэх жилийн ШИНЭ ДОХИО төслийн арга хэмжээ бүр их өрсөлдөөнтэй болох нь гарцаагүй. **Төслийн уралдаанд оролцсон нийт багуудыг танилцуулж байна.** 1. Сүпер Лүпер 2. DQ 3. Цохилт 4. Хишигтэн 5. Flashlight hummer 6. Кteam 7. IT 8. Арай өөр 9. Гэрэлтүүлэгч