Ид шидийн орон хүүхэд хамгаалал, хөгжлийн төвийн үйл ажиллагаа маш амжилттай явагдаж байна. Бүтэн зуны хугацаанд хамгаалах байрны үйл ажиллагаа тогтмол явагдаж холбон зуучлах, хамгаалах үйлчилгээг тогтмол явуулсаар. Харин өнгөрсөн 6 дугаар сард Ид шидийн орны цэцэрлэг маань анхны төгсөлтөө хийгээд амжсан. Зуны амралт эхлэж хүүхдүүд маань амралт, зугаалга гээд яваад өгсөн ч Ид шидийн оронд минь хүүхдүүдийн инээд хөөр тасарсангүй. Тэд тоглоомын талбайд тоглохоос гадна бие биедээ үлгэр дууриалал болж сөрөг үгс хэлэхээ больж, олон талын өөрчлөлтүүд гарч буйг хараад их л урам авдаг юм. Та бүхэн яг дэргэдээс энэ өөрчлөлтүүдийг харсан ч болоосой хэмээн бодох үе байдаг юм. Энэ намрын нэгэн онцлох мэдээ гэвэл Ид шидийн орон маань арвин ургац хураахад бэлэн болжээ. Улаан лооль, огурци, төмс, лууван гээд өдөр тутамдаа хэрэглэж болох хүнсний ногоонуудыг тариалсан. Харин одоо ургацаа хурааж шинэ ногооны амтыг мэдрэх л үлдэж. Өнгөрсөн жил барилгын ажлаас болоод цэцэрлэгжүүлж чадаагүй байсан бол энэ жил цэцэг ногоо алаглаад Ид шидийн орон улам л өнгө нэмлээ. Heesko зураач Америк улсаас Ид шидийн орон төвийг зорин ирьж гайхалтай уран бүтээлийг Хөгжлийн төвийн ханан дээр урлав. Бид нарны зайгаар өөрсдийн тогоо хангаж илүүдэл тогоо улсад нийлүүлээд эхэлсэн. Олон ч мундаг ид шидтэй ах, эгч нар маань Ид шидийн оронг зорьж бидний үйл ажиллагаатай танилцаж өөрсдийн хувь нэмрээ оруулж хандив өгсөн. Дурдаад байвал олон ажлууд байна. Ид шидтэй ах,эгч нартаа дуулгахад тун удахгүй Ид шидийн орон цэцэрлэгийн маань нээлт болоохоор төлөвлөгдөж байна. Эргээд бяцхан үрс шуугилдсан, аз жаргалтай өдрүүд айсуй. Бид ахин судалгаа хийж шинээр бүртгэл явуулж цэцэрлэгийн ахлах болон бага бүлгийн элсэлтээ авч байна. Мэдээж яг өдий үед олон ч цэцэрлэгүүд сугалаа явуулж, олон ч өрх айлууд хүүхдээ цэцэрлэгт хамруулж чадаагүйдээ сэтгэл дундуур яваа. Харин Ид шидийн орон хүүхэд хамгаалал, хөгжлийн төв маань ахиад л маш сайхан боломжийг гаргаж арга мухардсан цөөнгүй өрхөд гэрэл нэмж буйг дуулгахад таатай байна. Ингээд л ид шид үргэлжилсээр. Энэ бүх зүйлийн ард үргэлж биднийг дэмжиж байдаг ид шидтэй ах эгч нарын минь хичээл зүтгэл, сэтгэл зүрх оршиж байдаг юм шүү. Тун удахгүй цэцэрлэгийн нээлтээ хийгээд та бүхэндээ гэрэл нэмэх мэдээллийг оруулах болно. Сүүлийн үеийн мэдээлэл авах бол Ид шидийн орон хуудас руу ороод аваарай. Яаралтай холбогдох бол 94222888 дугаараар холбогдонго Лантуун дохио ТББ