Өнгөрсөн 4-р сарын 22-нд бид бүхнийг үргэлж дэмжиж туслаж байдаг Золзаяагийн маань төрсөн өдрийн арга хэмжээ болсон билээ. Энэхүү арга хэмжээ Ид шидийн орон төсөлд зорилулагдсан хүүхдийн төлөө найз нөхдөөрөө, хамт олноороо хэрхэн нэгдэж болохыг залуус бидэнд үлгэрлэн харууллаа. Золзаяа маань төрсөн өдрийнхөө тайланг 4-р сарын 29-ний өдөр бид бүхэнтэйгээ хуваалцлаа. Төрсөн өдрийн арга хэмжээнд цугласан найзуудаас Ид шидийн орон төсөлд дараах хандивуудыг өгсөн байна. - Төрсөн өдөрт хүрэлцэн ирсэн гэр бүл, найз нөхөд, ажлын хамт олон, эрхэм зочидоос нийтдээ 2,260,000 төгрөгийг цуглуулсан. - Аз хур номын их дэлгүүрийн хамт олон 500,000 төгрөгний хүүхдийн ном худалдаж авах эрх - SaySanaa ХХК-иас 2,500,000 төгрөгний интерьер дизайны иж бүрэн зураг зуруулах эрхийн бичиг - Монголын сайтын холбооны ерөнхийлөгчийн зүгээс өөрийн ажиллуулдаг вакум цонхны үйлдвэрээс 5 сая төгрөгний вакум цонх авах эрх - Sound of Mongolia-н Дамдинсүрэн ханын зураг зурах болон зургийг зурах зураачдыг хариуцан ажиллана - Эрдэнэ-Гэрэл найз нь 2,000,000 төгрөгний пельта наадаг цавууны эрх бэлэглэсэн бөгөөд 4-р сарын 29-ний өдөр барилгын үйл явцтай танилцаж өөрийн хүчээр тусалсан - Оюуны чадюарын IQ төвөөс 3-16 насны хүүхдүүдэд зориулсан 100 ширхэг хүүхдийн ном хандивласан. - Дөлгөөн найз нь 1,000,000 төгрөгийг хандивлав. - Сэргэлэнбаатар найз нь машин тэргээр ачаа бараа зөөхөд боломжоороо туслахаа амалсан бөгөөд 50 хүний бүрэлдэхүүнтэй барилгын баригад 2 өдөр ирж ажиллахаар болсон. Мөн Золзаяагийн эрэгтэй найзууд нь 1 өдөр ирж ажиллаж өгөхөөр болсон бөгөөд Ариунтуяа найз нь ид шидийн орны мод, зүлэгжүүлэх ажлыг зохион байгуулахаар боллоо. Сэтгэл байвал өвсөөр ч цоож онгойлно гэж Лхагвасүрэн жүжигчин хэлдэг шиг сэтгэл байвал ид шидийг бүтээж болдог юм гэдгийг бид бүхэн харсаар л байна. Цаашид ч гэсэн Золзаяагийн маань найзууд нийлээд дээр дурьдагаагүй өөр ажлуудыг санаажлан хэрэгжүүлэхээр төлөвлөж байна. Дээр дурьдагдсан бүхий л байгууллага хувь хүн, найз нөхөд, гэр бүлийнхэнд нь ГҮНЭЭ ТАЛАРХСАНАА ҮҮГЭЭР ИЛЭРХИЙЛЖ БАЙНА. Та бүхний цаашдын ажил, амьдралд нь хамгийн сайн сайхан бүхнийг хүсэн ерөөе. Тиймээ тэд бол хүүхдэд хайртай залуучууд. Хамтдаа ид шидийг бүтээцгээе! БИД ХҮҮХДЭД ХАЙРТАЙ Лантуун дохио ТББ