ИД ШИД БҮТЭЭГЧ АХ ЭГЧ НАРТАА БАЯРЛАЛАА

3 сар, 3 долоо хоног-н өмнө 537

advise image

Тийм ээ энэ бол ид шидийг бүтээгч залуучууд. Forbes 30/40 ангийн хамт олноос Ид шидийн орон төсөлд зориулан "БИД ИД ШИДИЙГ БҮТЭЭГЧ" хандивын арга хэмжээг өчигдөр орой буюу 2017.05.27-нд маш амжилттай зохион байгууллаа. Ид шидийг бүтээгч ах эгч нартаа төслийн явц болон цаашид хэрхэн ажиллах талаар дэлгэрэнгүй мэдээлэл өгч сонирхолтой хөтөлбөрийн дагуу нэгэн үдшийг маш үр бүтээлтэй өнгөрүүллээ. Уг арга хэмжээгээр нийт 40 сая төгрөгний үнэ бүхий матеиаллаг болон, мөнгөн хандив цугларч бид бүхний цаашдын ажилд маш том тусыг хүргэлээ. ИД ШИДИЙГ БҮТЭЭГЧ хандивын арга хэмжээнээс онцлох мэдээллийг та бүхэндээ хүргэж байна

  1. Оюутолгой компаниас 12,000,000 төгрөг болон тоглоомын талбайн тоглоомыг хариуцаж хийж өгөхөөр боллоо.
  2. Сайнзаяа зураачийн бидэнд хандивласан "Сайн найз" зургийг дуудлага худалдаанд оруулж 3100 долараар зарагдав.
  3. Ид шидтэй бялууг дуудлага худалдаанд оруулж 36,000 төгрөгнөөс эхлэж 500,000 төгрөгөөр зарагдав.
  4. Петровис компани 5,000,000 төгрөгтэй тэнцэх шатахууныг хандивлав
  5. Тесо 5,000,000 төгрөгтэй тэнцэх обойг хандивлаж ИД ШИДИЙГ БҮТЭЭХ ҮЙЛСЭД томоохон тусыг хүргэлээ. Мөн бэлнээр хандив өгсөн бүхий л хүмүүстээ баярлалаа.

Энэ орой үнэхээр ИД ШИДИЙГ БҮТЭЭЖ ЧАДЛАА. Forbes 30/40 ангийнхандаа болон үйл ажиллагаанд оролцсон бүхий л сайхан сэтгэлт залуучууддаа гүнээ талархаж байна. Мөн ая дуугаа хүргэсэн дуучин Дэлгэрмөрөн, Анук Очмаа болон UB Comedy Идэрбат нартаа баярлалаа. Энэ үдшийг ая дуугаараа хөг нэмж, хөгжөөж өгсөн та бүхэн ч ид шидийг бүтээгч юм шүү.

Нийт хүрэлцэн ирсэн залуучууддаа гүнээ талархаж байна.

Хүндэтгэсэн: Лантуун дохио ТББ-ын хамт олон