ХААН БАНКНЫ ХАМТ ОЛОН 2019 онд Signature харилцагчидтайгаа хамтран “Лантуун Дохио” ТББ-ын "Ид шидийн орон" төслийг дэмжин ажиллахаар болсноо мэдэгдэж хамтран ажиллах санамж бичигт гарын үсэг зурлаа. Тус санамж бичгийн зорилго нь нийгэмд тулгамдсан асуудал болох хүүхдийн эрхийн төлөө тэмцэх, хүүхэд эрүүл аюулгүй орчинд өсөх, мэдэх сурах, тэдний нийгмийн асуудлыг шийдвэрлэхэд дэмжлэг үзүүлэх, ХААН банкны Signature харилцагч нарыг сайн үйлсэд уриалан дуудаж нийгмийн сайн сайханд хувь нэмэр оруулах билээ. Тус санамж бичгийн хүрээнд "ИД ШИДТЭЙ АХ, ЭГЧ" хөтөлбөр Монголд хэрэгжих бүхий л нөхцөл боломжийг ХААН БАНКНЫ хамт олон бидэнд бүрдүүлж өглөө. Өөрөөр хэлбэл та Хаан банкны хуримтлалын үйлчилгээг ашиглан өдөр бүр 100 төгрөгийг гүйлгээний шимтгэлгүйгээр "Лантуун дохио" ТББ-ын 5070407937 тоот дансанд шилжүүлэн "Ид шидтэй ах эгч" болж хүүхдийн сайн сайхны төлөө өөрийн бодит хувь нэмрийг оруулах боломжийг нээж өглөө. Та өөрийн дансаа Лантуун дохио ТББ-ын данстай холбож хувийн хийснээр өдөр бүр таны данснаас 100 төгрөг Ид шидийн оронд хандивлагдах болно. Та хүсвэл үүнийгээ зогсоох боломжтой ба заавал 100 гэлтгүй үнийн дүнг хэдэн ч төгрөгөөр тохируулж болох юм. Гэхдээ эхний ээлжинд 100, 300, 500 гэсэн сонголтуудыг санал болгож байна. Та хэдийгээр өдөр бүр хүнд хэцүү нөхцөлтэй айлууд, гэр хорооллоор явж хүүхдүүдэд туслах боломжгүй, эсвэл яаж туслахаа мэдэхгүй байлаа ч таны зориулж буй өдөр бүрийн 100 төгрөг маш олон хүүхдүүдийн амьдралд гэрэл гэгээ авчирч тэдний өлсөж буйд нь талх, өвдөж буйд нь эм, өнчирж хоцорсонд нь ижий аав нь болж чадах юм. Бодоод үзээрэй энэ маш чухал шүү. Хаан банкны нийт хэрэглэгчдээс 10000 хүн л өдрийн 100 төгрөгийг хандивлахад Ид шидийн орон 1 төвийн урсгал зардлыг хамтдаа шийдвэрлэх бөгөөд ахин 15000 хүн хандив өгөхөд энэ жил баригдахаар төлөвлөгдсөн "Ид шидийн орон 2" төвийн бүтээн байгуулалтын зардлыг бүрэн шийдвэрлэж чадахаар байна. Бидний 100, 100 төгрөгөнд ийм их хүч байна. Бид заавал төр засаг, утаа улс төр ярьж зүгээр суух ёсгүй юм байна. Бидэнд хүч байгаа юм байна. Бид өөрсдөөсөө өөрчилөлтийг эхэлж хийгээд, хойч ирээдүй хүүхдүүдээ зөв хүмүүжүүлж чадвал аяндаа бүх зүйл эрүүлжих болно гэж итгэж байна. Та ХААН Банкны хуримтлалын үйлчилгээг ашиглан хэдхэн товчлуур дараад л өдөр болгон хандив шилжүүлэх тохиргоо хийн Ид шидтэй ах эгч болоорой. Ид шидтэй ах эгч болох заавартай дараах холбоосоор танилцана уу: 💻 Компьютероос хандах бол: http://bit.ly/MagicMongoliaPC 📱 Гар утаснаас хандах бол: http://bit.ly/MagicMongoliaMobile Хүүхэд бүхэн инээнэ, Ид шидийг бүтээнэ. Лантуун дохио ТББ Ид шидийн орон төсөл