Оюуны хөрөнгө оруулалтаар дэмжин ажиллана

2 долоо хоног, 1 өдөр-н өмнө 183

advise image

Лантуун дохио ТББ-аас хэрэгжүүлж буй Ид шидийн орон төслийн зорилтот бүлгийн хүүхдүүдийн нөхцөл байдал, хэрэгцээг тодорхойлох, цаашдын стратеги, төлөвлөгөөг боловсруулахад IRIM судалгааны хүрээлэн нийгмийн хариуцлагын хүрээнд урт хугацааны хамтын ажиллагааг эхлүүлж санамж бичиг байгууллаа.

Хамтын ажиллагааны хүрээнд IRIM судалгааны хүрээлэн нь судалгааны арга зүй, хэрэглэгдэхүүн боловсруулж, талбарын мэдээлэл цуглуулалтын арга зүй, нэгдсэн удирдлагаар ханган ажиллана. Мөн Хараат бус судалгааны хүрээлэн ТББ нь Ид шидийн орон төслийн цаашдын стратеги, орон нутгийн жишиг төв болох чиглэлд мэргэжлийн арга зүйгээр дэмжин ажиллахаар боллоо. IRIM судалгааны хүрээлэнгийн чадварлаг зөвлөх багш нар зөвлөн ажиллаж бидний хамтын ажиллагааны үр дүн, зорилгод хүрэхэл дэмжлэг үзүүлэн ажиллана.

Судалгаа, баримтад тулгуурлан төвийн үйл ажиллагаагаа жигдрүүлж цаашдын стратеги, төлөвлөгөөгөө боловсруулж орон нутагтаа жишиг төв болох зорилго, мөрөөдлийг минь дэмжин ажиллаж буй IRIM судалгааны хүрээлэнгийн хамт олон, эрдэмтэн судлаач та бүхэндээ чин сэтгэлээсээ талархал илэрхийлье. Нийгмийн хариуцлагын хүрээнд оюуны хөрөнгө оруулалт хийж тууштай, урт хугацаанд хамтран ажиллах болсонд бид баяртай байна.

ЛАНТУУН ДОХИО ТББ 2020/10/05