Dохио - Empowering the Youth арга хэмжээ амжилттай зохион байгуулагдлаа.

2 сар, 1 долоо хоног-н өмнө 508

advise image

Лантуун дохио төрийн бус байгууллагын сайн дурын гишүүдийн санаачлагаар Dохио-Empowering the Youth арга хэмжээ амжилттай зохион байгуулагдлаа. Дөрвөн илтгэгчийн сонирхолтой агуулгыг сонсож оюундаа хөрөнгө оруулахаас гадна оролцогч бүр "Ид шидийн орон-2" төсөлд өөрийн бодит оролцоог оруулсан үр дүнтэй үйл ажиллагаа боллоо.

Dохио-Empowering the Youth арга хэмжээнийн үндсэн илтгэгчээр Unread-ын үүсгэн байгуулагчийн нэг, Шэйпэрс Улаанбаатар нийгэмлэгийн куратор А.Ундрал, Universal төвийн үүсгэн байгуулагч, комедиан Н.Амаржин, Эрдэмт төрийн бус байгууллагын үүсгэн байгуулагч, “Жек Ма-гийн бүтээсэн Алибаба” номын орчуулагч Э.Саруул, IRIM хараат бус судалгааны хүрээлгийн зөвлөх А.Долгион нар оролцож залуучуудын сонсохыг хүссэн хэрэгтэй агуулгыг өгч Лантуун дохио төрийн бус байгууллагын залуусыг дэмжин ажиллаа.

Мөн Новотел зочид буудлын хамт олон тус үйл ажиллагааг ивээн тэтгэн оролцсон бөгөөд заал болон цайны зардлыг бүрэн хариуцаж ажиллаа. Үйл ажиллагаанд 160 оролцогч оролцож Ид шидтэй ах, эгч нэгдэн, өөрсдийн candy-гээ бидэнд хандивлаж бүхий л талаараа Ид шидийн орон-2 арга хэмжээг дэмжин ажиллаа.

Биднийг дэмжин ажилласан ивээн тэтгэгч, илтгэгч, оролцогч оюутан залуусдаа чин сэтгэлээсээ баярлалаа. Арга хэмжээнээс олсон нийт орлого 100 хувь Ид шидийн орон төсөлд зориулагдана.

Хүүхэд бүхэн инээнэ, Ид шидийг бүтээнэ.