Хуурамч мэдээг илрүүлэхийн тулд дараах 5 алхамыг хийхэд л хагалттай.
1.ТҮГЭЭЖ БУЙ ЗҮЙЛЭЭ АНХААРАХ. Мэдээллийг түгээхээсээ өмнө хуурамч мэдээлэл байх вий гэж дандаа эргэлзэж бай.

2.ЭХ СУРВАЛЖИЙН АНАЛИЗ ХИЙХ. “Тус мэдээллийн ард хэн байна вэ?” гэж дандаа асуух хэрэгтэй.

3.КОНТЕНТ АНАЛИЗ ХИЙХ. ЭНЭ ШАТАНД ӨӨРӨӨСӨӨ 5 АСУУЛТ АСУУ. Үүнд:

• Контент үнэн зөв, баримт нотолгоотой, нэг талыг бариагүй байна уу?
• Уур бухимдал, айдас жигшүүр гэх мэт хүчтэй сэтгэл хөдлөлийг бий болгож байна уу?
• Хэл зүйг шинжил. Бичвэр найруулга зүйн алдаатай, өдөөн турхирсан шинжтэй эсэхийг нягтлах.
• Вэб дизайнд анализ хий. Хэрвээ тус мэдээлэл вэбсайт дээр гарсан бол та шууд итгэх үү? Тэрхүү вэбсайт хуурамч домайн хаяг эсэх, тогтмол шинэчлэгддэг эсэх, мэдээллүүд нь бүгд итгэж болох эсэхийг ухаад үзэхэд гэмгүй.
• Мэдээллийн гарчиг сенсаацилсан, өдөөн хатгасан байна уу? Тийм бол кликбэйт байж болохыг анхаарна уу.

4.БУСАД ЭХ СУРВАЛЖУУД ЮУ ГЭЖ ВЭ? Энэ хэсэгт итгэж болох мэргэжлийн хэвлэл мэдээллийн хэрэгслүүд юу гэж мэдээлсэн тухай олж үзэхийг хичээгээрэй. Хэрвээ мэдээлэл үнэн бодитой байсан бол мэргэжлийн сэтгүүлчид ийм ноцтой мэдээг заавал мэдээлэх нь ойлгомжтой. Тиймээс мэдээллийн томоохон вэбсайтууд дээр энэ талаар мэдээлээгүй бол түгээхээ түр азна гэсэн үг.

5.TINEYE-ИЙГ АШИГЛА. Мэдээлэл зурагтай бол бусад эх сурвалжийг хүлээлгүйгээр дараах аргыг ашиглаж болно. Энэ бол зургийн эх сурвалжийг шалгадаг www.tineye.com сайт. Сайтад зочлоод баталгаажуулахыг хүссэн зургаа ачааллаж эсвэл холбоосыг нь оруулж хайж болох бөгөөд илэрц нь маш хурдан байдаг.

Эх сурвалж. www.Ikon.mn