Ид шидийг бүтээсэн 6 хоног...

8 сар, 1 долоо хоног-н өмнө 504

advise image

"Ид шидийг бүтээх 8км 400 метр" баримтат гэрэл зургийн үзэсгэлэн амжилттай тавигдлаа. Тус үзэсгэлэн нь гэрэл зургийн хүчээр дамжуулан нийгмийн бодит зураглалыг олон нийтэд дэлгэн тавьж цаашлаад тухайн асуудлыг шийдвэрлэх шийдлийг санал болгосон гэдгээрээ илүү онцлог юм. Үзэсгэлэн зургаан хоногийн турш үргэлжилсэн бөгөөд 2000 гаруй хүн ирж үзэж, ямар нэгэн хэлбэрээр Ид шидийн орон төсөлд нэгдэн өөрсдийн хувь нэмрээ оруулсан байна.

Лантуу хүү чихмэл тоглоом 80 ширхэг зарагдаж "Унаганы ээжүүдэд" 1 сая 200 мянган төгрөгийн дэм, Ид шидийн орон төсөлд 400 мянган төгрөгний бодит дэмжлэг болж очсон. Мөн Ид шидтэй ах, эгч хөтөлбөрт ирсэн үзэгч нар хамрагдаж өөрсдийн оролцоогоо баталгаажуулсан гээд олон талын ач холбогдолтой үзэсгэлэн боллоо.

Ид шидийг бүтээх 8км 400м баримтат гэрэл зургийн үзэсгэлэнг дэлгэн тавьж олон нийтэд хүргэхэд хамгийн том дэмжлэгийг Хаан банкны хамт олон хүргэсэн. Ид шидийн орон төслийг дэмжин ажиллаж Ид шидтэй ах, эгч хөтөлбөрийг илүү өргөжүүлж илүү олон хүмүүсийг нэгтгэхэд бүхий л боломжоор дэмжин ажиллаж байна.

Тус үзэсгэлэнг ирж үзсэн, хамт байсан, хандив өргөсөн, Ид шидтэй ах эгч болсон бүх хүмүүст чин сэтгэлээсээ баярлалаа. Энэ боломжийг олгож өгсөн Хаан банкны хамт олонд талархал илэрхийлье. Тусалж дэмжсэн бүхий л хүмүүсдээ баярлалаа. Та бүхэн энэ өдрүүдийн шидтэнгүүд нь байлаа. Тийм ээ тэр 100 төгрөгнүүдэд бяцхан ертөнцийг хайраар гэрэлтүүлэх шид бий. Бид чадна, хамтдаа!

Хүүхэд бүхэн инээнэ. Ид шидийг бүтээнэ

Лантуун дохио ТББ